Ushbu xizmat orqali doktorantlar va mustaqil izlanuvchilar o‘z dissertatsiya ishlarini ilmiy kengashda dastlabki ekspertizadan o‘tkazish uchun belgilangan tartibda zarur hujjatlarni taqdim etishlari mumkin.

Kimlar uchun mo‘ljallangan?
Mazkur xizmat PhD va DSc darajasiga da’vogar doktorantlar hamda mustaqil izlanuvchilar uchun mo‘ljallangan.

Qayerda va nima maqsadda kerak?
Hujjatlar universitet yoki ilmiy tashkilot huzuridagi ilmiy kengashga taqdim etiladi. Dastlabki ekspertiza dissertatsiya ishining ilmiy darajaga qo‘yilgan talablarga mosligini baholash, kamchiliklarni aniqlash va keyingi himoya bosqichiga tavsiya berish maqsadida o‘tkaziladi.

Xizmatning ahamiyati:

• Dissertatsiya ishining sifati va dolzarbligini baholash;
• Ilmiy talab va me’yorlarga mosligini tekshirish;
• Himoyaga ruxsat berishdan oldin xatolarni aniqlash;
• Rasmiy ekspert xulosasini olish.